OGOTERA 176 - 200

`MBURA NETWE KORWA _ IGORO   1 `Mbura netwe korwa_igoro, Neira y`obwanchani; Eyekomenta chinguru, chikorw` as` Omotoria.   Chorus: Mbura y`ebisio, nero ntwe toganetie; Nonya gwatoir`amabera, ko nembura twasaba.   2 "Mbura netwe korwa Igoro" Ekobokia chinkoro; `S` amagoko n`ebitunwa, `riogi ri`embur`enyinge.   3 "Mbura netwe korwa Igoro" `Monene toyetwerie; Erio tonyore chinguru, Oikeranie eira.   4 "Mbura netwe korwa Igoro" Tagototweria rero! Twatore amamoch` aito, Tokorangerie Yeso.

KEMECHANDO ERAGOETANANE   1 Kemechando eragoetanane, `nchera `sobosio bwao nomosunte; `Borabu bosesenirie na Yeso: Koraborore nobue amatemwa.   Chorus: Rora `borabu bokobara, Oborabu boseri` obwoba; Rora Yeso `mosunt` otame: Omwegene Yeso ng`ang` ar` as`ore.   2 Nony`aye tomanyeti egurube, `Chandete bogima bwao as` ense; Beka omosalaba bosio bwao: Mwegene Yes` ase chinchera chionsi.   3 Genda nokwegen`obu` amatemwa, Manya Yeso `motoria nkomo more; `Segi neb` enkong`u tokwa omoyo: `Motori` orire eira yobobui.   4 `Segi neba ndoro yogoichania, `Matemwa amanene arakobue; `Monene ng`ang` ar` akoe chinguru: Chiokobua `matemwa `racha `sore.

`KER` ARACHE   1 Ker`arache, `Ker` arache `sangereri_abaye; Abare abana baye, Abanchwa baye.   Chorus: Buna ching`enang`eni, mbarab` as` egutwa Bamekameke buya, `s` egutwa yaye.   2 Nasangereri` Ere bwango, Abanchw` as` obonda; Chilulu `kobara mono Abanchwa baye.   3 Abana bonsi abake, `Banchet` Omotoria; Nabwo chilulu chingiya, Abanchwa baye.

`NKORO YAO YAMIGIRWE   1 Nkoro yao yamigirwe, `baga ndiy` ase Yeso? Gwasibirwe n`ebi` ense, `baga ndiy` ase Yeso? Ngesieri ateneine, Gotur` omoigorere, Igwa ngosoror` are, `baga ndiy` ase Yeso?   2 Gwasiria nsa chingiya, chiogokor` emeremo? Nakoe chinguru, chiogokor` emeremo, Takobugwa nebibe, bakony` abasaririe, Barigie abasiru, Kae Yeso ribaga.   3 Ay` okorigi` ebi` ense, Kae Yeso ribaga; Tori na_ibaga rinde, Komokorera Yeso, Emegoko n` enibo, Ebinto bi` ense mbosa, Gwechand` as` okwegokia, kae Yeso ribaga.   4 Ekero totameti, chimbusuro chia Yeso; `Maboko are bosa, Rituko rie rigesa, Ntori na gento kende, `meremo yaito mbosa; Ntokonyora kogoka, Gatoramoror` Ere.

ENGAKI ENGIYA MONO   1 Engaki_ engiya mono, Bachenu bacha amo; K`Omotori` ar` eganga, `Kero bakomotera.   2 Totere obwanchani, bwamosugetie Tata Aroch` ens` etaraba, Akamoru` Omwan` oye.   3 Ter` ogwancha kw` Omwana, bun` atigete igoro; Akaba buna tore, Agakwa atotorie.   4 Obwanchani bw` Omoika, kwororobia chinkoro; Kero tware nobwoba, Gatoa Omotoria.   5 Engaki engiya mono, `Bachenu baumerane; Yeso nabe eganga, Bamotere botambe.

`MONEN` OMOBAS` ONE   1 Monen` Omobas` one, nki ndairoke? Mobaso, botuko nare nainche; Ner` ogontoria korw` as` emechando, Nogosorora kw` Omoik` aretire.   Chorus: Monen` Omobaso` one, `mogok` one; `Mobaso`botuk`ere nandae `Monen`Omobaso, `mogok`one `Mobaso na botuko nandae.   2 Monen` Omobas`one, `mare nacha As` okwegena, nindore igoro `Se Yes` Akogamba as` obonene, Naki ndatigar` Omosunte ime.   3 Monen` Omobas` one, `nguru chiane, Ase chinguru chiaye nimbue; `Maber` atubir` oboreu bwane, `S` okwegena ntare nere ker`ensa.   4 Monen` Omobaso; mbionsi ase nde As` are ere mosunte toiyo; N` Omobori`Omogambi one, Nche ninkobake n` abachenu bande.

YESO NKWEGENETE   1 Yeso nkwegenete, `Manwa ya Kalwari, Omotoria; `Gw` ogosaba bono, Onsibie ebibe, Mb` Oyoo kegima korwa rero.   2 Buya bwa` obonge, bomente chinguru,   `Nkoro yane; Buna gwankwerete, bwanchani as`ore, Bob` obochenu pi bore moyo.   3 Naetananire, ime y` emechando, Ay` ondae; Seria Omosunte, Ontinyi` amariga, Tontiga ntayaye korw` as` ore.

TAT `O IGORO NAMANYETE   1 Tat`O Igoro namanyete, `Merind`eratange nchera; Naserie chitang`utangu, `Mosunt`obe omobaso,   Chorus: `Mosunt`obe omobaso. Omanyir` emerind`erantangen nchera; (Omanyire, ekeen` emerind`erantang`  enchera yane) Omanyire, Atang` embeo kogusa, (Omanyire, ekeene,  Atange embeo ekogusa).   2 Tat`O Igoro namanyete, `Riogo rikogweni` obobe; N `ogokuna kw`obwanchani, Agweni`enkor`eye yane, Agweni`enkor`eye yane.   3 Tat`O Igoro namanyete, Buna ntabu` ababisa; Narend` Okwegena kwane, Andende goik`omoerio, Andende goik`omoerio.   4 Tat`O Igoro namanyete, K`orogendo rokoera; Tiga eker`ekio Tata, Ntoke nyebiset` as`ore, Ntoke nyebiset` as`ore.

NIMBA OMOBE MONO   1 Nimba omobe mono, Yes`ere nankwerete; Agakwa inkonyeke, Agakwa imbe moyo, Buna rit` as`omote, Imbe nere botambe.   2 Obwanchani bwa Yeso, Botambe gochia igoro Bwaetania chindiba, Boreo korwa kare, `Bwanchani bwanyorete, `Kero nche nasirete.   3 Nimba omobe mono, Kristo mbionsi ase nde; Omanyir` Okogania, Biane bionsi nebiaye, Nandende korwa ense, Ongacheir` Obogima.

NCHE NINKOGANETIE   1 Nche ninkoganetie, `Kero gionsi Riogi rinde ndiri, Ri`omorembe.   Chorus: Yeso nakorigirie, Nkorigetie rioka Nsesenie Omotoria, Nagocheire.   2 Nche ninkoganetie, Omber` ang`e `Matemwa tambua, Ker` or` ang`e.   3 Nche ninkoganetie `S` obororo Nchwo bwang` obe nainche, `Rio tinsira.   4 Nche ninkoganetie, Onyorokie, Ne chiira chiao, Kor` ase nde.   5 Nche ninkorigetie, Omochenu Onkore mb`oyoo, Yes` omuya.

EKERO NKOBA N`OMOREMBE NCHERA   1 Ekero nkoba n`omorembe nchera, `Bororo bun` emerindo `Se kende gionsi aye kwanyorokirie, Goteba nga Mbuy` as` enkoro.   Chorus: Imbuya. . . `S`enkoro; Imbuya Imbuy` as` enkoro.   2 Nonya Saitani naisa gontema, Ninyeremie ekiagera  Kristo ororir` obwororo bwane, Okure as` ebibe biane.   3 `Bibe biane bionsi gose tai bike, Biabambirw` Omosalaba Tinkoragererigwa as`ebibe, Motogi` Omonen` Omoy`one.   4 Omonen` ayereri` ogocha kwao, `Goro rioba ndimanoke, `Konu nebug` ogocha Kw` Omonene, Nonyaigo mbuya as`enkoro.

GOTARA NA YESO   1 Gotara na Yeso, as` eriarakwane, Enchera yaito morekire; Gokor` ayanchete, Namenye naintwe, Na baria, bonsi baregene.   Chorus: Okwegena, encher` ende teiyo; Y`omogok` ase Yeso:   Egene oigwere.   2 Ntori n`omusunte, Nony` amare taiyo, Ere bweka obirusirie; `Tang`utang`u nchiyo, Nonya n`amariga, Gatoregene na Koigwera.   3 Ntori n`egurube, n`obororo bwonsi, `Meremo yait` atoakane; Emechando teiyo, n`ogweitia nkoiyo, Nogosesenia `S` okoigwera.   4 Titokoenekia, obwanchani bwaye, Goika twerure Kegima; As`ogwanchereria, n`omogok` arure, Nebiab` abaramoigwere.   5 As` okobwatana, toikarans` as`are, Gose totare amo nere; Kor`ekiaratebe, Gend`as` arachike, Toirok` egene, n`oigwere.

MBUYA KOMWEGENA YESO   1 Mbuya komwegena Yeso, Ase ring`ana riaye,  "Gwanch` eira na komanya" Otebir` Omonene.   Chorus: Yeso naki mwegenete,  Moenekie botambe; Yeso, Yes` Omuya Yeso,  Nimente komomanya.   2 O mbuya kwegena Yeso, `S` amanying` agosibia,  `S` okwegena nantobeke, `S` amanying` okogwenia.   3 Mbuya komwegena Yeso, ntig`ebibe kegima,  `Se Yeso nyor`obogima, motimoko mogoko.   4 Nagokire nkwegenete, `Muya Yes` Omosani, Namanyire nobe nainche, Nobe nainche botambe.

NAKI YES` AR`OMOSANI   1 Naki Yes` ar` Omosani, Koimoki`ebibe biato! Ngesio ki koa Nyasae, Bionsi as`ogosaba; Morembe ki togosiria Birukunyo twaimokia, `Kiagera titomoeti Nyasae` as`ogosaba.   2 Gose ntore n`amatemwa? Mochando nore ande? Ntokw` omoyo toirere, Monen` as` ogosaba; Ntonyor` Omosani omuya, Torasang` obororo Yes` omanyir` oboreu, Moe as` ogosaba.   3 Ntor` aboro n`egurube, Gochandwa n`okogania; `Motoria nobotamero, Moe as` ogosaba Basani mbagotamire? Motebi` as`ogosaba Nakoagat` agokenge, Nonyor` omosasoko.

`MONENE TARI EBI`ANKIO   1 `Monene tari ebi`ankio, Ingosaba Nyasae ndende timocha, Rero, rioka Nkonye nkore emeremo, na gosaba Nkwane na oboitingo, Rero Tata.   2 Tinkor` okogania kwane,`mwango koigwa Onkonye inyare koigwa, Rero Tata Tinkwana ayar`amabe, Bwango bwango   Mbata ebikoba biane, Boire pi.   3 Kero kende mb`omokiru, kende ngoke Nyengene obuya bwao, Rero Tata Monene tari ebi`ankio ingosaba Ndende, ondae, Onyache, Boire pi.

MONEN` OMORISIA   1 Monen` Omorisia tikoremerwa; Antimokia`as`obonyansi obobese Ondair` ensemoamacn`amaya Nigo akong`irania na komboria.   2 Ning`et` ase rigoko ri` amakweri Aye nomorendi,tindi n`obwoba; Nondisie n`nyimbobuyakegima Tinkoba n`obobe Kor`amo nainche   3 nondageri`ekero den`emechando; Ninyore ebisio ebige mono; Nong`ak` amaguta omwotwe one. Tinkoboria kende biaisanire.   4 `Buya n` amabera kwabing`eire; Bimbwatie botambe erio nkorore Mbwati`encher`abakoro baetere; Goik`ens`engiya,bogambi bwao.

RIGI` OB` OMOCHENU   1 Rigi`ob`omochenu, `Kwane na Nyasae, `Be Nere na koria, ring`an riaye; Okor` obosani, okony` aboro, `Tari kweba kende, origi` ebisio.   2 Rigi` ob` omochenu, `Nse nkoagag` ere, Obe aye bweka, Amo na Yeso; Komoroche Yeso, Nomogwekane, `Banto mbamorore, `Se chimbwa chiao.   3 Rigi` ob omochenu, `B` Omorai oo, Tomotang`anera kende na keba; `Mogok`, obororo, Mobwatie Yeso, Komoroche Yeso, `Ncha ng`ana Yaye.   4 Rigi` ob`omochenu, Otoerere, Ebirengererio, biragwe Nere; Oragwe n`Omoika, As`obwanchani, Bwango nogwenere, `Meremo Igoro.  

IGWA AMANG`ANA A YESO   1 Igwa amang`ana a Yeso, `Mang`an` obogima bori Otari gosaba, igwa inyora, Basesenigw` abagokora.   Chorus: Ababwatete amachik` Aye, Mbare negesio negesio Ababwetete amachik` Aye, Mbuya, mbuya, mbuya bare.   2 Koigwa bosa nkori kende, Chiira nachibe bosa Kobigwa, kwoboa, mbigototoria, Basesenigw` abagokora.   3 Baso` omochie n`omogoko, Abachenu abasera Basibekire bare n`obonene, Barie Omote bw`obogima.

TAR` ENCHERA Y`OMONENE   1 Tar` enchera y`Omonene, `Korae botambe Omoik` oye korwa igoro, Oseri` omosunte   Chorus: Tar` enchera, Tar` enchera (Tara a,se oborabu bwa Nyasae, Tara ase oborabu bwa Nyasae) Tar` enchera (Tara ase oborabu bwa Nyasae) Tar` enchera ya Nyasae.   2 Tar` omobaso bw`Enjili, okorwa igoro Okorae kor`omoke, `Mwegeni o Nyasae   3 Tar` omobaso, `mosunte, Noribia boeto; Omosunte norasire Emiaka n`emiaka.   4 Tar` omobaso omanye, Nyasa` Omwanchani; Obwanchani nabokine, Igoro bokume.

AND`ONSI NA YESO   1 And`onsi na Yeso nigo ndagende, Karantang`an` and`onsi as`ens`eye; Mogoko tori Monene ataiyo, And`onsi na Yeso tindi nche bweka.   Chorus: And`onsi, and`onsi tindi kwoboa, And`onsi na Yeso nigo ndagende.   2 And`onsi na Yeso tindi nche bweka, Basani mbantiga Ere noyone; Karanda` ase chinchera chinkong`u, And`onsi nimosasime` Omotoria.   3 And`onsi na Yeso ningende ndare, `Mosunte nimoinyore Omonene; Tingosira korwa enchera yaye, And`onsi na Yeso nimenye n`Ere.

YESO N`OMOSANI OMUYA   1 Yeso n`Omosani omuya, Ekero okobugwa n`ense Nakogwenie omoyo, Nagokoa chinguru Yeso n`Omosani omuya.   Chorus: Yeso nomosani omuya (Yes` omosani, Omosani omuya) Yeso nomosaniomuya (Yes` omosani, Omosani ornuya) Nagokonye gokogwa, Nakoigwe gokorangeria Nomosani_obuete bonsi.   2 Yeso n`Ornosani obuete! Andemia na kong` omorembe; Ambwate n`okoboko, Tinkoiroka kende, Yeso n`Omosani omuya.   3 Nimba nomoichan` omonge, Nonya namakweri nachicha, Tinkoigwa kende, Omotoria ng`ang` are Yeso n`Omosani_omuya.

KAE` MBEO` BWOBA   1 Kae`mbeo `bwoba, Rema osemeria, Tat`omanyir` obororo, Nakoimoki igoro.   2 Goet` emechando, `Koroseri` enchera, Gany` engaki yaye botuko bob` omobaso.   3 Tiger` Omonene anche na gochika Motayayi nob`oyoye, Ere nomong`aini.   4 Ogosemia kwaye, nokonene mono Gakorire emerem` eyio yakwoboetie.

YES` OMORISI` OITO   1 Yes` Omorisi` oito, Tinyi` amariga; Gatore as`are, Nki toroboe? Tomotunye rioka, `S` aratorae; Gochia as` eroro, Gos` oborisia.   2 Yes` Omorisi` oito, Twamany`eriogi; Okomanya kwaye, Gwatogokirie Nig` akogorora, As` obwororo; Ner` oratorae, Nabaye tore.   3 Yes` Omorisi` oito, Otokwerete, Gaiter` amanyinga, `Se ker` eng`ondi Ker` eyem` abeka, Kemanyererio; `Tebir```Ab` Omoika, Abwo nabane".   4 Yes` Omorisi` oito, Otorendire; `Bibengi nabicha, Tibigotoria `Mwenya bw`amakweri, Ogotwoboyia; Ntokwobo` obobe, `Babui b`embera.

ENS` ENGIYA Y`OGOSABA   1 Ens` engiya y`ogosaba, Kondusi` ense y`emechando Nakong`ira ase Tata, Motebie kogania kwane Ekero nde n`obororo, Moy`on`onyor` okoremia Erio mbua omotemi, Ens` engiya y`ogosaba.   2 Ense engiya y`ogosaba, Ira gosorora kwane Gochi` as` Ere omwegenwa, Oyokoru` ogosesenia `Ntebirie morigererie, Nyegene `Ng`ana n`obuya Nimoe ker` ogwechanda, Nganyet` Ensa y`ogosaba.   3 Ens` engiya y`ogosaba, Nyore okoremia kwao Korw` egetunwa gia Pisga, Ndor`enka yane ndagende `S` obogima nintenene, Mbwat` ekeegwa gia kare Ng`ak` eriogi as` embeo, "Mbuya Ensa y`ogosaba".

`NSA NGIYA Y`OGOSABA   1 `Nsa ngiya y`ogosaba, `Mioyo koyanchire`; Twach` ase Yeso Omotoria Mosani; Togocha n`okwegena, Ere natorende; Riogo as` omorosu, Ombuya kobao.   Chorus: Ensa engiya, Nsa y`ogosaba, Riogo as`Omorosu, O mbuya kobao.   2 `Nsa ngiya y`ogosaba, `Motoria kar` ang`e; As` amabera abaigw` abana baye; Atotebia tomoe,Ogwechanda gwaito; Riogo as` omorosu, Ombuya kobao.   3 `Nsa ngiya y`ogosaba, Ker` abatemirwe`; Bakoretera Yes` obororo bwabo; N`enkoro y`amabera, narusie mochando; Riogo as` omorosu, O mbuya kobao.   4 As` Ensa y`ogosaba, Twegenir` as`are; Ebisio toganetie natobinyore; Ase oboikerenu, Tosirie mechando; Riogo as` omorosu, Ombuya kobao.